Nepal-in PM thar a nei

CPN-UML hruaitu KP Sharma Oli chu nimin khan Nepal Prime Minister thar atan lakluh a ni.

Kum 65 mi, Oli hi PM atana lakluh ṭum hnihna a ni a, kum 2015 October–August 2016 chhung khan Nepal PM a lo ni tawh a, mahse a kaihhruai sorkar thlawptu CPN-Maoist Centre-in an thlawpna an hnuhdawh avangin a bang a ni. Nimin khan President Bidya Devi Bhandari office-ah Oli hi Nepal PM 41-na atan rinawmna thu tiamtira lakluh a ni a, a rual hian a cabinet member turin mi pahnih lakluh tel an ni bawk.