Mexico-ah magnitude 7.2-a nain lir a nghing

Mexico ram laili leh chhim lamah kar kalta Zirtawpni khan magnitude 7.2-a nain lir a nghing a, thil tihchhiat liantham a nei lo nia sawi a ni. Lirnghing vang hian thi an awm lo nia hriat a ni bawk.

US Geological Survey chuan lir nghin ṭanna hi Oaxaca state hmarchhak lam, km 53 vela hla, lei hnuai km 24-a thukah niin a sawi. Magnitude 7.2-a naa a nghin aṭanga darkar khat hnuah afterschock magnitude 5.8-a nain a nghing nawn leh a ni. Lirnghing hian chhiatna liantham thlen lo mah se mipui an chiai nasa hle a, inah awm ngam loin kawtthlerah mi tam tak an chhuak khawm a ni. Nikum September thla khan Mexico-ah hian lirnghing vangin Oaxaca leh a ṭhenawm Chiapas state-ah mi 100 chuang an lo thi tawh a ni