Malala Yousafzai-i'n ram dang hruaitute ngen

Nobel Peace Prize lo la tawhtu, Malala Yousafzai chuan Afghanistan-a thil thleng mek vanga hreawm a tih thu leh a bikin hmeichhe naupangte dinhmun a ngaihtuah thu sawiin, khawvel ram hruaitute chu a rang lama hma la vat turin a ngen.

Yousafzai chuan Afghanistan-a ram mipuite sahimna turin US President Joe Biden chuan tih tur tur tam a nei a ni tiin, huaisen taka hma la turin a ngen bawk. Afghanistan ram mipuite chuan puihna leh thlawpna an mamawh a ni, a ti.

Kum 23 mi Yousafzai hian women education chungchanga a hmalaknate an duh loh avangin kum 2012 khan Pakistani Taliban-te chuan a lu ah an lo kap tawh a, hun rei tak England-ah enkawl zuiin a cheng zui ta a ni.

"Afghanistan-a thil thleng mek avangin hrehawm ka ti a, a bikin hmeichhiate ka ngaihtuah hle a ni. Afghanistan-a activist ṭhenkhatte leh hmeichhiate dikna chawikan duhtu te nen inbiakna remchang kan nei thei a, an mangan thu leh engtin nge hun an hman zel dawn tih an hrethiam bik lo a ni," tiin Yousafzai chuan a sawi.

Yousafzai chuan Pakistan prime minister Imran Khan hnenah Afghan raltlante luh phalsak tur leh, raltlan naupangten zirna an dawn theihna tur leh an himna turte ngaihtuah sak turin a ngen.