Tibetan temple-ah kangmei chhuak

Tibet khawpui, Lhasa-a Jokhang temple-ah kar kalta Inrinni khan kangmei a chhuak a, kangmei chhuah chhan hi hriat a la ni lo.

Jokhang temple hi UNESCO world heritage site niin kum 1,300 chuanga upa a ni a, he temple hi Tibetan Buddisht-te hmun serh leh pawimawh ber zinga mi a ni a, Tibet mite ro thil tam tak awmna hmun a ni. Inrinni zan dar 6 vel khan temple-ah hian kangmei hi a chhuak a, an ṭhelhmit hma hian a kang chhe nasa hman hle a ni.