Ethiopia-ah emergency puang

Ethiopia Prime Minister Hailemariam Desalegn chuan kar kalta Ningani khan PM a nihna aṭanga a ban thu a puang a, a ban tukah hian tualchhung buaina chhuak tur ven nan ram pumah emergency puan nghal a ni. Ethiopia hian hun rei tak tualchhung politics buaina a tawk tawh a, tun hnaiah politics vanga tang eng emaw zat chhuah zalen ni mah se buaina hi a la reh thei lo a ni. Ethiopia-a hnam liam pahnihte awmna, Oromia leh Amhara bialte chuan thuneihna sang zawk pek phutin kum 2015, November thla aṭang khan lungawi lohna an lo lantir tawh a ni. Tualchhung buaina thleng vang hian mi tam takin nunna an chan tawh bawk.

Hailemariam chuan an ram tualchhung buaina tihtawp a nih theih beiseiin PM a nihna aṭanga a ban thu hi a puang a, mahse amah thlaktu tur ruat a nih hma chuan PM hna hi a chelh lailawk tur thu a sawi.