Pakistan-in official language-ah Mandarin a pawm

Pakistan Senate chuan Thawhṭanni khan an ram official language pakhat tan Chinese official language, Mandarin a pawm.

Senate hian Pakistan leh China inzawmna tihnghet zelna atana pawimawh nia a ngaih avangin Mandarin hi official language pakhat atan hian a pawm nia sawi a ni. He thil hian ram pahnihte inzawmna pawh a tihngheh bakah, mipuite pawhin inzawmna ṭha tak an neih theih phah beisei a ni.

US-a Pakistan Ambas-sador Hussain Haqqani chuan Pakistan chuan kum 70 chhungin an ram mipuite ṭawng ni lo, ram dang ṭawng pali–English, Urdu, Arabic leh Chinese ṭawngte chu official language atan pawm a nih tawh tih a sawi.

Punjab province-a chengten an hman ber, Punjabi ṭawng leh ramchhunga chengte ṭawng eng emaw zat chu official language-ah puan a la ni lo thung. Hetih lai hian Dawn News-in a tarlan danin, Pakistan-a chengte chuan ṭawng dang aiin Chinese tawng zir hi an ngaihven tawh zawk niin a tarlang a, Chinese ṭawng thiam chuan an tan Pakistan bakah China-ahte hna thawh tur remchang tam zawk an neih theih phah dawn a ni.