Tel Aviv-a Poland embassy-ah swastika ziak

Poland Prime Minister Mateusz Moriawiecki-an Indopui II hunlaia Germany Nazi-ten Juda mi tam tak suat ṭum khan pawikhawhtute zinga Juda mi pawh an tel niin a sawi a, he thu a sawi tukah hian Tel Aviv-a Poland embassy gate-ah Nazi chhinchhiahna, Swastika inziak hmuh a ni a, 'tualthattu' tih thu ziak pawh hmuh tel a ni bawk.

Poland PM thusawi hi Israel chuan na takin a lo sawisel tawh a ni. Hemi hma hian Poland Parliament chuan Nazi-te pawikhawihna thlen chungchang sawinaah Poland ram leh a mipuite hming lam tel khapna dan a lo siam tawh bawk.

Tel Aviv-a Poland embassy gate-a thil ziak tu hi hriat a la ni lo a, police-ten an chhui chiang mek a ni.

Israel Prime Minister Benjamin Netanyahu chuan Pathianni khan Morawiecki hi telephone-a biain, Holocaust chungchang a sawidan hi a sawipui. Netanyahu chuan Holocaust-in a tum ber chu Juda mite tihchhiat vek a ni ti a sawi a ni.

Poland sorkar thupuangtu Joanna Kopcinsk chuan PM Moriaweicki hian Holocaust chungchang phat emaw, Juda-te chunga tawrhna thleng chungchang phat emaw a tumna a ni lo tih a sawi bawk.