Arsa neih loh vangin KFC restaurant-te inkhar

Kar kalta Inrinni khan KFC chuan arsa an neih loh vangin United Kingdom-a an restaurant eng emaw zat an khar.

KFC chuan harsatna an tawhna chhan chu an delivery partner thar, DHL nen harsatna eng emaw an neih vang niin a sawi a, an buaina chingfel tur hian theihtawp an chhuah thu a sawi. Thawhṭanni khan England, Scotland, Wales leh Northern Ireland-a KFC dawr 900 zinga 300 vel chu hawn an ni tawh a, an restaurant zawng zawngte hi an hawn theih hun tur an la hrechiang thei lo.