UN hotu-in Israel-Palestinian ram pahnih siam thlawp

United Nations Secretary-General Antonio Guterres chuan Israel-Palestinian buaina chinfelna atan ram pahnih din chu UN chuan a la thlawp zel tih a sawi.

Thawhlehnia New York-a UN headquarters-a Middle East chungchanga UN Security Council Meeting ah he thu hi sawiin, ram pahnihte buaina chinfel chuan democracy ram pahnih,Israel leh Palesitnian ram te chu ramri fel tak tak hnuaiah inngeih taka an awm theih a beisei thu a sawi. Ram pahnih din chuan an inkar buaina awmte pawh a chinfel sak vek theih a beisei thu a sawi bawk a, hei lo chu a chinfelna tur kawng dang a awm lo a ni, a ti.

Palestinian raltlante chhawmdawl hna thawktu, United Nations Relief and Works Agency (UNRWA) in sum lam indaih lohna a neih chu khawvel ram hrang hrangten an ngaihven a ngai tih a sawi bawk a, UNRWA an puihnate tichak zel turin a ngen a ni.