Pakistan official language-ah Mandarin puang lo

Pakistan media-ten an ram official language pakhatah Chinese language, Mandarin pawm a ni tia an tarlan chu thu dik lo a nih thu sorkar news agency chuan a tarlang.

Mandarin hi official language-ah awm ni lo mah se, Pakistan Senate chuan an ram chhunga Chinese Project CPEC-a thawk turte chu inbiakpawhna lama harsatna an neih lohna turin Mandarin zirtir hi a rawt a ni. US dollar tluklehdingawn 50 senga thawh tur, China Pakistan Economic Corridor (CPEC) hi infrastructure project niin, Pakistan ram chhungah thawh mek a ni. He project hi China-a Xinjiang province leh Pakistan-a Balchistan province-a Gwadar port inkal pawhna tur a ni.