Maldive sorkarin eptu pawl nena inbiak duh

Maldive sorkar chuan an rama politics buaina chinfel a, boruak ṭha a awm leh theih nan eptute nena inbiak chu a inpeih reng thu a sawi.

Tualchhung buaina thleng vanga Maldive sorkarin emergency a puan chu Thawhlehni khan ni 30 chhung atan pawhsei leh a ni. Sorkar chuan ramchhung dinhmun thlirin, dan leh thupek kenkawh a nih theih nan leh boruak muanawm a awm theih nan emergency pawhsei hi a titlu ta niin a sawi.

Sorkar chuan emergency pawhsei hi National Security Council thurawn anga a rawt a nih thu sawiin, Thawhlehni khan Parliament chuan a pawmpui a ni. Tualchhung dinhmun a ṭhat rualin emergency puan pawh chu hlih nghal a nih tur thu a sawi bawk.