Biden leh Johnson-ten Afghanistan chungchang sawidun

US president Joe Biden leh Britain prime minister Boris Johnson-te chuan Thawhlehni khan Afghanistan-a thil thleng mek chungchang sawidunin, karleh hian hma lak chhoh dan tur ngaihtuaha virtual G7 leaders meeting neih an remti.

Ram hruaitu pahnihte hian Afghanistan policy kalpui dan turah ram pahnihte leh an thurualpui ram dangten thawhhona ṭha tak an neih a ṭul thute sawiin, Afghan mi dinhmun hluahawm taka awm te leh raltlante chhawmdawlna pek dan turte ngaihtuaha hmalak a ṭul thute an sawi a ni.

President Joe Biden hian an ram sipai la chhuak tura Republican-a a khingpui Donald Trump thuthlukna lo siam a bawhzui vang hian an ram leh an thawhpui ramdang hnen aṭangin sawiselna a dawng nasa hle.

Taliban-ten thuneihna an chan hnuah US leh khawthlang ramte chuan Afghanistan-a an mi leh sate an thiarchhuak mek a ni.