Pakistan hma lak danah Trump-a lungawi lo

US President Donald Trump chu Pakistan-in a ram chhunga firfiakte a beih let danah ala lungaiw tawk lo hle.

White House Deputy Press Secretary Raj Shah chuan Ningani-a press conference a neihah hei hi sawichhuakin, firfiak beihlet chungchanga US ngaihdan chu Pakistan pawh chiang takin hriattirin Pakistan pawhin hei hi a hrechiang tawh a, a hmalaknaah hmasawnna hmuh tur awm mahse President chu ala lungawi lo a ni, a ti.

Shah chuan Afghanisan-ah pawh US chuan theihtawpin hma ala zel tih sawiin, IS firfiakte danna kawngah te hma an sawn a, firfiak eng emaw zat nuaibo an ni tawh a ni, a ti. Firfiak pawl hruaitu lute thahsak ni tawhin, an hmunpuite pawh tihchhiat tuma an beih mek thu a sawi.