A staff nena inkawp vangin Australia dy PM a bang dawn

Australia deputy prime minister Baranby Joyce chu a media secretary hlui nen inkawpa puh a nih avangin National party hruaitu leh deputy prime minister nihna aṭangin a bang dawn tih a sawi.

National Party hi Prime Minister Malcolm Turnbull-a kaihhruai centre-right ṭangrual sorkarah a tel a, mahse kar leh Thawhṭanni hian party hruaitu leh deputy prime minister a nihna ṭangin Jyoce hi a bang dawn a ni. Mahse Parliamet member a nihna aṭang erawh chuan a bang dawn lo.

Joyce hi Catholic Kristian niin, a nupui nen kum 24 an innei tawh a, chhungkaw hlutna leh pawimawhna te sawiin a campaign fo ṭhin. Mahse a staff hlui pakhat nen inkawp a, a hmeichhia hian a fa a pai a ni tih hriatchhuah a nih hnuin bang tura nawr a tawk fo a ni. Deputy PM leh a staff-te inkawp thu hriatchhuah a nih hnu hian Prime Minister Turnbull chuan minister-te chu an staff-te mipat hmeichhiatna hmanpui a khapsak nghal bawk.