Mexico President-in Washington-a a zin tur ṭhulh

Mexico President Enrique Pena Nieto chuan US President Donald Trump hmu tura Washington-a zin a tum chu a ṭhulh.

Pena Nieto hian March thla hian US-a zin a tum a, mahse February 20-a Trump nena telephone-a an inbiaknaah, policy chungchangah ram hruaitu pahnihte hi an inmil theih loh avangin a zin tum hi a ṭhulh ta a ni.

Donald Trump hian Mexico nena an ramri hungna bang siam a tum chungchangah, Mexico-in a bang siamna senso a tum dawn lo tih a sawi chu a pawmpui lo a, Mexico chu a senso tumtir vek a nih tur thu a sawi avangin meeting neih tur pawh hian awmzia a nei dawn lo nia sawi a ni.