Nigeria President-in helho thiltih vangin ngaihdam dil

Nigeria President Muhammadu Buhari chuan helpawl Boro Haram-ten school naupang hmeichhe tleirawl eng emaw zat an rubo leh nia sawi a ni chu an ram tana chhiatna rapthlak tak a ni tiin, he thil thleng ang hian ram mipuite hnenah ngaihdam a dil nghal bawk.

Kar kalta Thawhṭanni khan Boko Haram helte hian Nigeria hmarchhak lama Dapchi khuaa school pakhat luhkhungin zirlai hmeichhia eng emaw zat an rubo a, an rukbo zat tak hi hriat chian ala ni lo. Zirlai chin hriat loha awm hi 100 vel nia sawi a ni. Kum li kalta khan Chibok khuaah zirlai hmeichhe tam tak an lo rubo tawh bawk a, an zinga 100 chuang chu chin hriat loin an la awm mek a ni. Dapchi hi Chibok hmarthlang lam, km 275 Sela hlaa awm a ni.

Nigerian activist group, Bring Back Our Girls chuan zirlai chin hriat loha awmte hi an hmingte puangzar turin sorkar an phut.