Ethiopia-ah tuilian vangin mi pasarih an thi

Ethiopia khawpui Addis Ababa-a tuilianah mi pasarih an thi niin Nilaini khan an tarlang.

Thawlehnia ruah nasa tak sur vangin Addis Ababa-ah hian tui a lian a, Addis Ababa city fire and emergency dangers management commission chuan thuchhuah an siamah tuilian hian thil tam tak a tihchhuah thu an tarlang.

July thlaah khan Ethiopia National Disaster Risk Management Commission chuan an ram mi maktaduai hnih vel chu fur tuilian vangin hmun hlauhawmah an awm tih an lo puang tawh a ni.

Ethiopia hian June thla aṭanga September thla laihawl thlengin fur an hmachhawn ṭhin a, tui a lian nasa ṭhinin hmun hrang hrangah leimin a tam ṭhin hle bawk. An ram sorkar chuan tunah hian chhawmdawl hna an thawk mek a ni.