Burkina Faso-ah helte'n mi 40 chuang that

Burkina Faso hmarlamah Nilaini khan helte'n beihpui an thlak a, mi 47 tal chu an thi niin an ram media-te chuan an tarlang.

Arbinda khaw bula inbeihna thlengah thi zinga 30 chu tualchhung mi an ni a, sipai 14 leh sorkar thlawptu mi pathum an tel bawk.

An ram media-te chuan an ram sipaite'n hel 16 an kap hlum ve bawk niin an tarlang a ni.

Nilainia hel beihpui thlaktute hi al-Qaeda leh ISIL-te nena inzawmna nei pawl bawk an nih rin a ni a, anni hian a khat tawkin Burkina Faso leh a chhehvel ram Mali leh Niger-ahte chuan a khat tawkin beihpui an thlak reng a, kuminah ringawt pawh mi 100 chuang an that tawh.

Kar hmasa lamah khan ralthuam keng helte chuan Burkin Faso hmar lamah tho hian sipai 12 an lo thah tawh bakah tualchhung mi 30 an that tawh bawk.

Thawhṭanni pawh khan Niger-ah mi 37 an that bawk a, chung zinga 14 lai chu naupang an ni nghe nghe. Niger hian Nilaini khan heng mitthite sunna atan hian ni hnih chhung hun hman a ni dawn tih an lo puang tawh a, an ram chhung hmun tam takah an ram puanzar a ngul chanveah an zar dawn thu an puang.