Israel-in kawng a dan vangin Palestinian mi 1,000 chuang thi

Gaza Strip-a chhawmdawl hna thawktu pawl intelkhawmte chuan Israel-in Gaza kalpawhna kawng a dan avangin Palestinian mi 1,000 chuang zetin an thih phah tawh niin an sawi.

Organisation coordinator Ahmad al-Kurd chuan Pathianni khan kawng dan vanga damdawi lam inenkawlna tur tlakchham vangn nau piang thar panga an thi niin a sawi. Kawng dan vanga thi mi 1,000 chuang zinga mi 450-te chu medical supply awm loh vang leh, pawn lama inenkawl tura an kalchhuah theih loh vang a ni, a ti.

Gaza Strip-ah hian tui leh electric pawh a chhe hle a, damdawi an tlachhamin, doctor-te pawhin mi an zai thei lo a ni.

Kurd chuan electric supply chhiat vangin mipuite chuan mombati leh generator-te an hmang a, heng an thil hmang vanga kangmei chhuakah hian kum 2006 aṭang khan mi 100 chuang an thi tawh a ni, a ti.