Israel sorkar policy duh lohna lantir
Israel prime minister Benjamin Netanyahu kaihhruai, ṭangrual sorkar tharin West Bank leh Jordan Valley luahsak a tumna chu duh loin Inrinni khan Tel Aviv-ah Israel mi tam takin lungawi lohna an lantir.
Palestinian Authority chuan Israel sorkarin an ram luahsak a tumna hi duh loin, Israel, nena inremna an lo siam tawh zawng zawng pawh sut leh vekah a vau a ni.
Tel Aviv-a nawrh huaihawtte hian hripui leng vanga sorkarin social distancing dan a siamte ṭha takin an zawm a, face mask pawh an hmang vek bawk. Ram inluahsak an duh lohna thu te, remna leh muanna a awm an duh thu ziakte an keng a ni. Nawrh hi left-wing group leh NGO te huaihawt a ni a, mahse mipui nawlpui erawhin an thlawp lo.
Mipui ngaihdan lak hnuhnung berah chuan Palestinian ram luahsak chungchang hi Israel mipui zahve dawnin an thlawp a ni.