Saudi Arabia lal-in sipai hotute a thlaka

Saudi Arabia lal King Salman chuan an ram sipaite hotute a ban a, an zinga hian chief of staff pawh a tel.

King Salman-an sipai hotute a ban thu hi official Saudi Press Agency (SPA) in a tichhuak a, mahse ban an nihna chhan erawh a tarlang tel lo.

Sipai hotu eng emaw zat man zingah hian chief of staff General Abdul Rahmin bin Saleh al-Bunyan a tel a, anmahni thlaktu tur hi ruat nghal a ni bawk. Sipai hotute siksawinaah hian Crown Prince Mohammed bin Salman, defence minister ni bawk chu a inrawlh thuk hle nia sawi a ni.

Crown Prince Salman-a kaihhruai hian nikum khan eiruk dona leh thuneihna dik lo taka hmangtute lakah beihpui thlak a lo ni tawh a, mi langsar tak tak eng emaw zat chu man an ni. An zingah hian lal fapa te, minister leh billionaire-te pawh an tel.