Israel PM-in Covid booster dose a la

Israel prime minister Naftali Bennett chuan nimin khan Covid vaccine dose thumna, booster dose a la.

Israel sorkar hian an rama Delta variant darh tur venna atan kum 40 chung lamte tan vaccine dose thumna, booster dose pek a lo remti tawh a ni. July thla aṭang khan kum 60 chung lamte chuan dose thumna hi an pe ṭan a, a hnuah kum 50 chinah tihhniam leh a ni. Zirtawpni aṭang khan booster dose hi kum 40 chin, vaccine dose hnihna an lak aṭang thla nga liam tawhte hnenah pek leh ṭan a nih thu health ministry chuan a sawi.

PM Bennett chuan booster dose la thei chin chu la vek turin a ngen a, "A dose thumna kan lak ṭhat chuan lockdown pawh kan pumpelh thei dawn a ni," a ti. Israel mipui maktaduai 9.3 zingah mi maktaduai khat chuang chuan a dose thumna hi an la tawh a, a late hi hri a kai tur lakah 86% in a veng niin healthcare official-te chuan an sawi a ni.