Bill Gates-a'n ṭanpuina thawh hnem

Khawvela mi hausa ber dawttu ni lai, Microsoft co-founder Bill Gates chuan an foundation, Bill and Melinda Gates Foundation kaltlangin ram hrang hranga Covid-19 darh zel venna kawnga hma lak nan US Dollar mtd 100 a thawh. 

Kar kal ta Zirtawpni khan Bill Gates hi a company Microsoft board member aṭangin a inhnukdawk a, he thutlukna a siam chhan hi midangte tana thil ṭha tihna kawnga nasa zawka ke a pen theih nan a nih thu Gates hian a sawi.

Khawvela ram hrang hrangten hma­sawnna kawng an zawh theih nan te, mipuite hrisel theih nan te, zirna lama hmasawn theih nan te leh khawvel sik leh sa inthlak chungchanga hmalakna kawngah nasa taka ke pen a duh thu Gates chuan a sawi bawk. Bill Gates leh Jack Ma bakah hian Chinese tech giants Tencent, Didi Chuxing leh ByteDance-te pawhin Covid-19 beih rem nan hian ṭanpuina an thawh tawh bawk a ni.