Germany-ah diesel vehicle khap dawn

Germany-a Federal Administrative Courtchuan boruak bawlhhlawh zel tur venna leh tih-ziaawmna turin Stuttgart leh Duesseldorf khawpui thuneitute chu diesel hmang motor hlui tawhte hman an khap a phalsak.

Stuttgart leh Duesseldorf-a local court-te chuan diesel hmang motor hlui deuhte chuan boruak bawlhhlawh a pechhuak nasa nia sawiin an khap a, hei hi state sorkar-te chuan court-ah an appeal a ni. Mahse court chuan air pollution nasatna hmunah he khapna hi hman a phalsak a ni. Diesel hmang motor thar lamte erawh chu he khapna hian a huam tel lo ang.

Environment group DUH chuan nikuma Germany khawpui 70 boruak a endiknaah, European Union-in nitrogen oxide (NOx) awm chin tur bihthliah a siam chu an pel vek a ni. Diesel khuin a tihchhuah, nitrogen oxides hian thawk lam harsatna a thlen thei a ni.

Germnay rama diesel car maktaduai 15 vel awm zingah maktaduai 2.7 vel chuan Euro air quality standard siam hi an zawm nia sawi a ni. Kum 2015 khan dieser motor hralhchhuah zat pawh hi Germany-ah hian 48% zetin a tlahniam a, nikum khan 39% in a tlahniam bawk.