Donald Trump-an campaign manager tur ruat

US President Donald Trump chuan kum 2020-a US President thlanna neih turah chuh leh ngei a tum a, a campaign manager atan digital adviser hlui Brad Parscale a ruat.

Trump campaign chuan thuchhuah siamin campaign manager atana Parscale ruat a nih thu hi a sawi a, a ni hian hma lak dan turte duangin, kum 2018 midterm election neih turah pawh an thawk nghal dawn tih a sawi.

President Trump hian a term hnihna atana president chuh leh a tum thu hi a lo tilang fo tawh a, kum 2017 January thlaa President atana lakluh a nih khan re-election committee siamna tur hi a buapui nghal a, hemi kum vek February 18 khan Florida-ah campaign rally hmasa ber hi a nei zui nghal a ni.

Brad Parscale-a hi digital consultant niin, Trump-a makpa leh senior adviser Jared Kushner-a thawhpui a ni a, a hmain Trump Organization-ah a lo thawk tawh ṭhin.