Egypt-a rel chesualah mi 15 thi

Egypt-a Beheira province-ah Nilaini khan rel a chesual a, mi 15 an thi a, midang 40 in hliam an tuar.

Beheira security chief Alaa El-Din Abdel-Fattah chuan Nilaini zing khan rel pindan pahnih chuan kawng zawhsualin bungraw phur rel an su niin a sawi. Chetsualna thlenna hmunah hian Transport Minister Hesham Arafat pawh a kal nghal a ni. Health Ministry thupuangtu Kaled Megahed chuan chetsualna thlenga hliam tuarte damdawi-in lama hruai turin ambulance 30 chuang tirh an nih thu a sawi. Egypt public prosecutor chuan rel chetsual dan chhuichiang tur hian engineering committee a ruat nghal a ni.