Duterte-an drug war chhuitute thawhpui lo turin police leh sipai hrilh

Philippines President Rodrigo Duterte chuan a kaihhruaina hnuaia an rama ruihhlo do beihpui thlak neih chungchang chhuina chu thawhpui lo turin police leh sipaite a hriattir. Hetihlai hian ram hrang hrangte chuan ramchhung mi lo, pawn lam miten beihpui thlak a dan hi chhui tir an phut a ni.

Kum 2016 June thlaa Philippines President atan Duterte lakluh a nih hnu khan ruihhlo do beihpui thlak nghal a ni a, behpui thlaknaah hian police-te chuan ruihhlo zuar leh hmanga puh mi 4,000 chuan an tihlum tawh a ni. Hei hi khawthlang ram leh right group hrang hrangte chuan an sawisel nasa hle a, sipai leh police-te chetdan hi chhui chian an phut a ni.

Duterte chuan Ningani-a Davao khuaa armed police unit hmaa thu a sawiah, beihpui thlak a nih dan chungchang zawhfiah tumtute chu tumah lo chhang lo a, lo ngaihsak lo turin a ti a ni. Hemi rual hian a rorel dana inrawlh tumte chu sawiselin, an ram chu ruihhlo vangin an buai mek tih pawh an hriatsak vek niin a sawi.