Haiti lirnghing vanga thi 2,200 chuang awm tawh : Chin hriat loha bo mi 300 vel awm

Haiti-a Civil Protec­tion Agency chuan Pathianni thleng khan an rama magnitude 7.2-a naa lirnghingin chhiatna thleng vanga thi chu 2,707 an tling tawh tih sawiin, chin hriat loha bo mi 344 an awm tih a sawi bawk.

Agency chuan August 14-a chhiatna rapthlak tak thleng vang hian chenna in 53,000 vel a chhia a, mi 12,268 in hliam an tuar tih a tarlang bawk a ni.

Chhiat tawkte ṭanpui tur hian US-base aid agency Samaritan Purse chuan Inrinni khan field hopsital an hawng tawh a ni. Hetih lai hian chhawmdawlna an dawnte semchhuahna kawngah thuneitute chuan distribution point-ah harsatna an tawk a, chhawmdawlna sem tur phurtu truck-te chu misual pawlten lo beiin mipuite ei turte hi an inchuh nasa thei hle.