International Treaty bawhchhiaa puhna Russia-in a pha

Russia chuan ralthuam khuahkhirh chungchangah International Treaty siam bawhchhiaa puhna chu a pha.

Kar kalta khan Russia President Vladimir Putin chuan Parliament-a thu a sawiah, ralthuam an neih tharte chuan eng defence system pawh a tihchhiat theih tur thu a sawi a ni. He a thusawi vang hian US State Department chuan Intermediate-range Nuclear Forces Treaty bawhchhiaah Russia chu a puh a ni. He inremna hi kum 30 chuang liamtaa ziah niin, nucelar ralthuam leh ballistic leh cruise missile enchhin tihtlemna tura siam a ni.

US-in inremna bawhchhiaa a puhna hi chhangin, Russia parliament Kremlin thupuangtu Dmitry Peskov chuan inremna engmah bawhchhiat an nei lo tih a sawi a, Russia chu ralthuam neih tam lamah ram dang el an tum loh thu te a sawi. Russia chuan eng ram mah beih a tum loh thu sawiin, a ralthuam neih tharte pawh Russia beih tum lo ramte tan chuan hlauhthawn tur a awm loh thu a sawi.