Syria President-in Khawthlang ramte dawt sawiah puh

Syria President Bashar al-Assa chuan an ram sipaiten beihpui thlaknaah chemical ralthuam an hmang nia puhna chu thu dik lo anih thu leh, khawthlang ramte dawt thehdarh a nih thu a sawi.

Pathianni-a Damascus-a Iran foreign minister special assistant for Political Affaris, Hussein Jabri Ansari nen an inkawmnaah President Assad hian he thu hi a sawichhuak a ni. Syria sipaiten chemical ralthuam an hmang nia puhna chu khawthlang ramten an ram blackmail an tumna a ni, a ti.

Hetihlai hian Damascus khawdai, Ghouta khawchhak lama helho awp khua laklet tuma Syria sipaiten beihpui an thlaknaah sipaite hian tur hlauhawm, chemical ralthuam an hmang niin khawthlang ramte chuan an puh a ni. Hei hi Syria sorkar chuan thu dik lo niin a hma pawhin a lo sawi tawh a ni.

Assad chuan khawthlang media leh political campaign hmanga Syria ram beihna hrang hrang chuan firfiaka chetna leh firfiakte tuaithar tum lehna hmanrua mai niin a puh a, US kaihhruai ṭangrual ramte chuan Islamic State (IS) leh al-Qaida zawmpui Nusra Front-te chu an thlawp niin a puh bawk.