Kum 2022-ah Duterte-a'n Vice President chuh dawn

Philippine president Rodrigo Duterte chuan nakkuma an ram inthlanah rorellai, PDP-Laban party vice president candidate nih a remti.

President Duterte hian inthlanpuiah President term hi a chuh nawn thei tawn dawn lo a, hei vang hian vice president zawk hi a chuh leh dawn a ni. PDP-Laban party hian president candidate atan Duterte thachhang dawltu leh senator Christopher Bong Go an ruat dawn a, September 8-a national assembly an neihah an puan chhuah rin a ni.

Kum 76 mi, Duterte chuan party rawtna chu apawm thu sawiin, an ram hotu lu ber dawttu dinhmuna a din chuan kum nga kalta chhunga a President-na hnuaia an hmalakna hrang hrang pawh an chhunzawm leh thei dawn a ni.