NKorea Parliament-ah economic policy chungchang sawiho dawn

North Korea parliament, Supreme People’s Assembly (SPA)-ah thla thar hian an ram economic policy leh ram chhung dinhmun dangte sawiho a ni dawn.

State media KCNA chuan September 28-ah Parliament inkhawm hi neih a ni dawn tih sawiin, ram hmasawnna te, education leh recycling-te pawh sawiho a ni dawn tih a tarlang.

North Korea Parliament rorel inkhawm hi an nei khat hle a, inkhawm an neih pawhin rorellai Worker's Party-in budget thehlut tura thutlukna dang a lo siam tawhte nemnghehna atan a ni tlangpui ṭhin. Mahse tun ṭumah erawh chuan ni danga an tih ngai loh angin, sorkar policy chungchangte sawiho an tum. Hei hi an ram economy a tlakhniam nasat vang nia ngaih a ni.

Kumin June thla khan NKorea hotu, Kim Jong-un chuan hri leng vang leh nikum lama thlipui tlehin chhiatna a thlen avangin an ram ei leh bar dinhmun chu a ṭha lo hle tih alo sawi tawh. Kuminah thlipui hi an tuar tawh bawk a, thlai chin tam tak a tichhe leh bawk.