Russia sipai thlawhtheihna tlaah mi 39 an thi

Russia sipai thlawhtheihna chu Syria ramah a tla a, mi 39 an thi.

Russia defence ministry chuan military transport thlawhtheihna hi Latakia khaw bula Hmeimim airbase-a a ṭum tur a tla niin a sawi. Thlawhtheihna hi kah a nih vanga tla nia sawi chu thu dik lo a nih thu sawiin, ministry chuan khawl lam fel loh vanga tla niin a sawi a, chhui chian mek a ni tih a sawi bawk. Russia President Vladimir Putin chuan vanduaina tawk chhungte a tuarpui thu a sawi.

Hetih lai hian Syria-a helho kuta awm mek, Eastern Ghouta-a chlorine gas hmanga beih a ni leh nia sawi a ni a, damdawi-in lama thawkte chuan thawk lama harsatna tawk mi eng emaw zat enkawl ngaiin an awm mek tih an sawi. Eastern Ghouta aṭanga chhawmdawl hna thawktute an chhuah hnu lawkah Syria sipaite chuan beihpui an thlak leh nghal nia sawi a ni.

Russia defence ministry chuan Thawhlehni-a sipai thlawhtheihna tla hi Antonov-26 niin a sawi a, Hmeimim airbase runway aṭanga meter 500 velah a chesual niin a sawi. Hmeimin hi Russia in Syria helte laka beihpui a thlaknaa a hmunpui atana a hman a ni a, kum 2105 September thla aṭang khan Russia sipaite hian Syria President Bashar al-Assad-a ngenna angin beihpui an thlak a ni.