Donald Trump-a economic advisor a bang

US President Donald Trump-a top economic advisor Gary Cohn chu President Trump-a trade policy a thlawp theih loh avangin a bang.

Thawhlehni khan kum 57 mi, Cohn hian President Trump-an steel lakluha chhiah 25% leh aluminium-ah 10% lakna tur a siam chu duh loin White House National Economic Council director a nihna aṭang hian banna a thehlut a ni.

Hetih lai hian White House chuan Goldman Sach executive hlui, Cohn-a banna chhan hi a sawichiang lo. Hun eng emaw chen chu Cohn hian President hi titi puiin, thlak a hun hnai tawh tihte pawh a sawipui niin a tarlang.

President Trump chuan thuchhuah siamin, Gary Cohn chuan a agenda-te kalpuina turah hna ṭha taka a thawh thu a sawi a, America econmy siamṭha leh tura hmalakna, chhiah lak tihtlem leh siamṭhat chungchangah pawh a pui nasa hle tih a sawi. Mi talent nei ṭha tak a ni a, America mipuite tana a hna lo thawh tawhahte lawmthu a hrilh tih a sawi.