Islam school-in zirlaite mobile phone halsak

Bangladesh-a Islam school pakhat chuan mobile phone chuan zirlaite rilru a hruaipen sak nia sawiin zirlaite mobile za chuang zet an halsak.

Islamic seminary, Darul Ulum Moinul Islam madrassa-a thupuangtu Azizul Hoque chuan zirlaite chu an cellphone-te school thuneitute hnenah thehlut turin an hriattir a, heng phone lakkhawmte hi meipui chhepin an halsak niin a sawi. Mobile phone hian zirlaite nunchang thlengin a tihchhiat phah niin a sawi.

Kum 123 zeta upa, seminary-ah hian zirlai 14,000 vel an awm a ni. Hoque chuan zirlaiten an mobile phone hi zanah hmangin chhunah class-ah an hmang zui leh bawk a, an nu leh pate pawhin an ngaimawh niin a sawi. An zirna in chuan technology chu a dodal lo a, mahse zirlaite mobile phone hmang chu a ṭhatna aiin ṭhat lohna a tam zawk a ni, a ti. Muslim mi hrang hrang hnen aṭangin mobile phone hman khap tura ngenna hi an dawng a, mi tam tak nupui pasal nei tawh pawhin thil sual tihna atan an hman phah niin a sawi.