MH370 report tichhuak dawn

Kum li kaltaa chin hriat loha bo, Malaysia Airlines thlawhtheihna flight MH370 bo dan chungchang chhuina report chu tihchhuah a ni dawn.

Kum 2014, March 8 khan Kuala Lumpur aṭanga Beijing pana thlawk, mi 239 chuanna flight MH370 chu chin hriat lohin a bo a, hun rei tak zawn ni mah se tun thlengin a chin hi hriat a la ni lo. Thlawhtheihna tla them ṭhenkhat chu Indian Ocean thliarkar leh Africa khawchhak lam tuipui kamah hmuh a ni a, hengte hi MH370 thlawhtheihna thla ngei a ni tih finfiah a ni tawh bawk.

Malaysia official-te chuan Boeing Co 777 tla them emaw, a fligh record emaw hmuh tumin an la zawng mek a, Australia thuneitute an thawhpui a ni. Malaysia Prime Minister Najib Razak chuan thlawhtheihna bo hi hmuh ngei tumin an bei chhunzawm zel dawn tih a sawi.