PNG-ah magnitude 6.9-a nain lir a nghing

Papua New Guinea tuipui kamah nimin zing khan magnitude 6.8-a nain lir a nghing a, mahse thil tihchhiat lian tham a nei lo nia sawi a ni.

Zing dar 3.39-ah New Ireland aṭanga km 20-a hla, km 15 vela thuk aṭangin a nghing niin US Geological Survey chuan a talrang. National Disaster Management Office chuan lirnghing vanga chhiatna lian tham thleng report an dawng rih lo tih a sawi a, mahse thil awmdan thlithlai turin disaster management team chu tirhchhuah an ni dawn tih a tarlang.

Nimina lirnghinna hmun hi February 26-a magnitude 7.5-a naa lir a nghin vanga mi 70 vel an thih phahna hmun aṭanga km 800 vela hla a ni. Papua New Guinea hi lirnghin duhna hmun, Pacific Ring of Fire tiha awm a ni.