Hafiz Saeed-a pawl political party-ah ziahluh phalsak dawn

Pakistan court chuan firfiakten Mumbai khawpui an beihnaa mawhphurtu bera puh, Hafiz Saeed-a pawl, Milli Muslim League chu political party-a ziahluh phalsak turin election commission a hriattir.

Election Commission of Pakistan (ECP) chuan Saeed-an political party anga Milli Muslim League (MML) ziahluh a tum chu a lo hnawlsak tawh a ni. Mahse ECP-in a hnawlna hi MML chuan court-ah khingin, hnawl an nih danchu awmze nei lo leh an ram danpui kalh niin a sawi. An ram danpui chuan ram mipui tupawh sorkar hna thawk lai tih loh chu political party member nih emaw, party din emaw a phalsak a ni, tiin petition an thehluhah an tarlang.

Saeed hi kum 2008 November thlaa Pakistan firfiakten Mumbai khawpui an beih ṭum khan a mawhphurtu berah puh a ni. Nikum kumtir khan pawn chhuak thei lo turin house arrest-a hren a ni a, mahse November thla khan Pakistan sorkarin a chhuah a ni.