Slovakia-ah eiruk duh lohna lantirin kawng zawh

Slovakia khawpu, Bratislava-ah eiruk duh lohna lantirin mipuiten kawng an zawh a, kawngzawhnaah hian mi 40,000 chuang an tel.

Eirukna thleng chungchang chhuitu journalist Jan Kuciak chu kahhlum a ni a, hei vang hian mipui lungawi lote chuan eiruk duh lohna kawngzawh hi kar kalta Zirtawpni khan an huaihawt a ni. Jan Kuciak hi Italian mafia leh an ram politician-te inzawmna chungchang a chhui laiin February thla khan kahhlum a ni a, a thih hnua a thuziah, a ziah zawh hman tak loh hi tihchhuah a ni.