Pakistan-a Punjab sorkarin school naupang lam tir a khap

Pakistan-a Punjab province sorkar chuan sorkar leh private school hrang hrangte hnenah school-in inkhawm a buatsaiha school naupang lamtir ṭhin chu khap turin a ti.

Pakistan sorkar chuan school-in programme a buatsaih–parents day, teachers day leh programme dangah pawh zirlaite lamtir ṭhin chu khap turin a ti a ni. He thupek zawm lo school-te chu education department-in an school licence a tihtawp sak dawn a ni. Sorkar official pakhat chuan school pakhata programme an neihah zirlai naupangte chu Indian leh Pakistani hla play-in lamtir an ni a, hei vang hian complaint thehluh a ni a, hemi hnu hian zirlai naupangte lamtir khapna thupek hi siam a ni ta a ni.