Rex Tillerson-a ban a nih tur thu hrilh lawk a ni - White House

US President-in Secretary of State aṭanga a ban tak, Rex Tillerson chu ban a nih thu puan a nih hmain president thutlukna siam hi hrilh lawk a nih thu White House thupuangtu chuan a sawi.

President Donald Trump chuan Thawhlehni khan Rex Tillerson ban anih thu hi a puang a, mahse White House thupuangtu Raj Shah chuan Tillerson hi ban anih tur thu kar kalta Zirtawpni khan hrilh a ni tawh tih a sawi.

U.S. Under Secretary of State Steve Goldstein chuan Tillerson hian ban a nih tur thu hi a hmain engmah a hre lawk lo niin a sawi a, hei hi Raj Shah chuan a rawn chhang a ni.

Trump chuan Rex Tillerson thlak tur hian CIA Director Mike Pompeo a ruat a, hei hi Congress-in a pawmpui ve leh phawt a ngai dawn a ni. CIA Director atan Jina Haspel-i ruat a ni bawk.