Finfiahna pe turin China phut

China chuan US Sena­tor Rick Scott hnenah, khawthlang ramten Covid-19 vaccine siam tuma an hmalakna chu China-in tihkhawtlai leh tihbuai a tum nia a puhna chu finfiahna pe turin a phut tih nimin khan a sawi. 

China foreign minis­try thupuangtu Hua Chunying chuan, "US senator hian vaccine siam tumna tihbuai a tum niin a puh a, hei hi finfiahna min pe se kan duh a ni. Sawi hreh tur a awm lo," tiin nimin khan Scott thusawi hi a chhang let a ni. 

Hetih lai hian US president Donald Trump leh US top official-te chuan coronavirus leng chungchanga China hmalakna chu an sawisel fo a ni. Mahse China chuan hri leng a do kawng­ah langtlang takin an kalpui niin a  sawi thung. 

Senator Scott hian Pathiannia BBC TV-in interview a neihah China a puhna chungchanga hi a sawi chhuak a, intelligence lam aṭanga a hriat a ni tih sawiin, a bak erawh a sawichiang duh lo a ni.