Congo hnenah Ebola hri leng dona atan USD mtd 40 pe

Democratic Republic of the Congo (DRC) rama Ebola hri leng dona atan United Nations chuan US dollar maktaduai 40 a pe. 

UN Under-Secretary-General for Humanitarian Affairs and Emergency Relief Coordinator Mark Lowcock chuan Central Emergency Response Fund aṭangin Congo ram ṭanpuina hi pek a nih thu a sawi. 

April thla khan DRC-ah hian Ebola hri leng hi a reh tawh nia puan a ni a, mahse June 1 khan health minister Eteni Longondo chuan an ram hmarthlang lam, Mbandaka-ah Ebola hri hi a leng thar leh tih a sawi. Kum 2018 nipui khan he hri hi leng ṭanin, mi 2,200 chuangin nunna an chan a ni.