Brazil-ah nawrh huaihawt

Brazil ramah hri lengin zual lam a pan mek laiin Pathianni khan khawpui hrang hrangah hri leng dona kawnga President Jair Bolsonaro hma lak dan duh lohna lantirin nawrh huaihawt a ni. 

Mipuite hian hri darh zel tur venna atana khuahkhirhna siamte bawhchhiain, khawpui hrang hrangah nawrh huai­hawtin an pungkhawm a ni. 

Brazil hi khawvela hri kai tamna ram pahnihna a ni tawh a, he hri vanga thi tamna ram pathumna a ni tawh bawk. Mahse kar liam ta Zirtawpni aṭang khan sorkar chuan an website-a Covid-19 chungchanga an ram dinhmun kimchang tarlanna chu mipui hmuh theih tawh lo turin a titawp lailawk. Inrinni khan website hi an ti nung leh a, mahse Covid-19 vanga darkar 24 chhunga thi, kai thar leh enkawl damte chauh tarlan an ni tawh a ni.