US trade group-ten China laka chhiah la lo turin ngen

US-a trade association 45-te chuan President Donald Trump-a hnenah Pathianni khan ngenna thawnin, China laka bungrua chhiah lak a tum chu ti lo turin an ngen a, hei hi US economy leh consumer-te tan a ṭha lo thei dawn niin an sawi.

President Trump-a hnena ngenna thawntu pawl zingah hian US-a company lian tak tak telna pawh an tel a ni. An lehkha thawnah hian China laka bungrua chhiah lak a nih chuan mipuite mamawh bungruate chu a man a san phah ang a, hna a tlem phah ang a, financial market thlengin a nghawng pawi thei dawn niin an tarlang a ni.

President Trump hian US ram chhunga thil siamte humhalha chawi lar a ngaih thu sawiin, hemi atan hian hma pawh a la a ni. Hei vang hian a trade policy kalpui danah sumdawng pawlte nen pawh an inkar boruak a ṭhat loh phah a ni.

Trump-a kaihhruai sorkar chuan Chinese information technology, telecom, steel leh aluminium lakluh ṭhinah chhiah lak a tum thu a lo sawi tawh a, hei hi sumdawng lam aiawhte chuan an sawisel nasa hle.