Sudan foreign minister hlui manna thupek tichhuak

Sudan prosecutor office chuan Sudan foreign minister hlui Ali Karti manna thupek a tichhuak.

Ali Karti hi kum 1989-a sorkar paihthlaknaa inhnam­hnawiha puh a ni. Kum1989 khan Sudan prime minister Sadiq al-Mahdi leh president Ahmed al-Mirghani kaihhruai sorkar chu paihthlak tuma beih niin ramchhung buaina a chhuak a, sorkar beitute hi Omar al-Bashir kaihhruai pawlte an ni. 

Sorkar paihthlak a nih hnuah Omar al-Bashir chuan thuneihna a chang chhunzawm ta nghal bawk. Omar lal theih nana puiah Ali Karti hi puh a nih avangin manna tur thupek chhuah a ni ta a ni. Kum 2010-2015 chhung khan Ali Karti hi Sudan foreign minister a ni ṭhin a, amah hi sumdawng lian a ni bawk.