JuD chanchin ziahna lehkhabu tlangzarh

Pakistan firfiak, Hafiz Saeed-a kaihhruai Jamaat-ud-Dawaah (JuD) chungchang ziahna lehkhabu, Lashkar-e-Toiba (LeT) dintu zinga mi Amir Hamza-a ziah chu tlangzarh a ni.

Amir Hamza hian JuD-ten firfiaka chet an dodal dan chungchang, 'JuD's Role Agaist Terrorism' tih ziakin, Thawhṭanni khan Lahore-a hotel-ah tlangzarh a ni. Lehkhabu tlangzarhnaah hian Jamat-e-Islami (JI), Awami National Party (ANP) hruaitute bakah seniour journalist-te an tel.

Lehkhabu-ah hian Pakistan ram hruaitu hlui Shehbaz Sharif, Nawaz Sharif, leh National Security Adviser (NSA) Nasser Janjua-ten Hafiz Saeed-a kaihruai pawlin midang ṭanpui hna an thawhna an fakna thu leh, firfiak chetna dodal zawnga hma an lakna an fakna thute dah tel a ni.

He lehkhabu ziahnaah hian Hamza-a nupui, Bushra Amir pawhin puiin, ram tana nunna hlantu sipai chhungte a kawmnate pawh dah a ni bawk.

Amir Hamza hi 26/11-a firfiakten Mumbai an beih ṭuma mawphurtu ber puh, Saeed nena inpawh ṭha tak an ni. Hamza hian Jamaat-ud-Dawah leh Falah-e-Insaniat (FIF) enkawlna turin Saeed hnen aṭang hian sum a dawng ṭhin a ni. Mahse tun hnaiah Pakistan sorkar chuan JUD hi firfiak pawlah puangin he pawl hminga thil awmte khawih chet theih lohin a hrek sak a, hei vang hian an pawl leh anmahni zawmtu pawl dangte inenkawlna tur, a bikin sum lamah harsatna an tawk chho hle nia sawi a ni.