Kabul-a thihchilh bomb puakah mi 26 thi

Afganistan khawpui Kabul-ah Nilaini khan thihchilh bomb puak vangin mi 26 an thi a, mi dang 18 in hliam an tuar.

Chawhnu dar 1.30 vel khan bomb paitu hian Kabul University bulah Persian kumthar, Nawruz holiday lawma pungkhawmte awmna bulah a bomb pai hi tipuak a ni. Hliam tuar zinga ṭhenkhat chu an dinhmun a ṭha lo hle a, thi zat pawh hi an la pun rin a nih thu Health Ministry thupuangtu Waheed Majroh chuan a sawi.