WHO-in booster dose hman dodal

World Health Organization (WHO) Director-General Tedros Adhanom Ghebreyesus chuan Nilaini khan Berlin-a thu a sawiah, kar liam ta chhung khan khawvel pumah hri kai thar an tlahniam a, hei hi thla hnih chuang hnuah hri kai an tlakhniam ṭum khatna a nih thu a sawi.

Tedros chuan "Thu hriat lawmawm tak ni mah se awmzia erawh a la nei thui lo, ram ṭhahnem takah hri kai an la tlahniam lo a, vaccine lak chungchangah a inrualkhai lo hle a ni" a ti.

Ram rethei leh harsa zawkah vaccine pek chhuah a la tlem a, hei vang hian vaccine hi rualkhai zawka sem chhuah phawt a nih theihna atan ram ṭhenkhatin a dose thumna, booster dose an pek chu chawlhsan rih turin a ngen. "Natna dotu khawl chak lo leh natna benvawn neisa tan dose thumna a ngai a ni maithei, mahse heng ho hi chu tlemte chauh an ni" tiin mipui nawlpui, hrisel ṭha pangngai leh vaccine dose bikimin la tawhte tana booster dose lo pek chu ṭha an ti rih lo tih a sawi.