Israel-in Gaza chhim lam bei

Israel indo thlawhtheihnate chuan Inrinni khan missile panga hmangin Gaza Strip chhim lam, Rafah khuaa Hamas ho hmun a kap. Hamas official-te chuan Israel-te beihna avanga hliam tuar an awm lo niin an sawi.

Inrinni khan Palestinian mi pali chuan Gaza khawchhak lam leh Israel inri-naa ramri hungna chu tichhiatin, Israel sipaiten Palestinian firfiak-ten underground tunnel an siam ṭhin tihchhiatna tura khawl an inchhawp chu an lo tihchhiat sak a ni. Hemi chhan let nan hian Israel hian Gaza Strip hi a bei zui ta a ni.

Israel sipaite chuan Gaza Strip chhimchhak lama Israel army drone thlawk chu Gaza-a Palestinian firfiakte hian an lo kap niin an sawi bawk a, Israel-in Hamas ho hmun tihchhiat tuma a kah lai pawhin Israel thlawtheihna hi firfiakte hian an lo kap let niin a sawi.

Hetih lai hian Hamas movement thupuangtu Fawzi Barhoum chuan press mite hnena email a thawnah, Palestinian mite hian kawngzawh puitham tak buatsaih an tum avangin hemi titawlh tum hian Israel hian a bei niin a sawi. Hamas leh Palestinian pawl dangte chuan March 30 aṭanga May 15 chhung hian 'Palestinian march' pui tham tak buatasih an tum a, Hamas-te chuan Gaza-a chengte chu hemi chhung hian Israel ramri bulah kawngzawh hi buatsaih turin a ti a ni.